كوردی عربي English
چالاكیەكان

نەهێشتنى هاوسەرگیرى خوار تەمەن (18) ساڵ لە هەرێمى کوردستان

ئەمڕۆ سێشەممە رێکەوتى 6-12-2022 پارێزەران عەدنان شاکر، سیڤان مامە و لاڤان شێخانى بە نوێنەرایەتیى سەندیکاى پارێزەرانى کوردستان بەشدارییان کرد لە سیمینیارێک کە رێکخراوى لێکۆڵەر بۆ سەروەرى یاسا، لە شارى هەولێر بۆ پسپۆڕان و لایەنانى پەیوەندیدار سازى دا دەربارەى: بەشوودانى ئافرەت ئەوانەى تەمەنیان لە هەژدە ساڵ کەمترە و چۆنیەتى ڕووبەڕووبوونەوەى.

لە سیمینارەکە دواى ئەوەى رێکخراوى لێکۆڵەر چەند زانیارییەکى لەو بارەیەوە پێشکەش کرد و لایەنەکانى ئەو بابەتەى خستە ڕوو، بەشداربووان تێبینیى و سەرنجەکانى خۆیان و لایەنە نەرێنییەکان و دەرەنجامە یاساییى و کۆمەڵایەتییەکانیان تاوتوێ کرد و ئەو میکانیزمانە شى کرانەوە کە دەبنە هۆکار بۆ کەمکردنەوە و ڕووبەڕووبوونەوەى ئەو جۆرە هاوسەرگیرییە.

نوێنەرانى سەندیکاى پارێزەران، بەپێى ئەزموون و شارەزاییى یاساییى و دادوەریى، بە بۆچوونە یاساییەکان و نموونە زیندووەکان، ناوەڕۆکى سیمینارەکەیان دەوڵەمەند کرد.

Back to top button